Aina Villanger er gjestelærar på haustens kurs i metode og prosess, og i det høvet inviterer vi til temakveld på akademiet! Denne kvelden vil forfattar og skrivelærar Eli Fossdal Vaage samtale med Villanger og om den siste utgjevinga hennar, Begynnelsen er nær, som kom tidlegare i haust. 

Aina Villanger debuterte i 2012 med diktsamlinga Langsang til strålande mottaking. I 2019 fekk ho Stig Sæterbakkens minnespris for debuten, samt dei påfølgjande diktsamlingane Baugeids bok (2017) og Nattnød (2019). I 2021 kom den lyriske forteljinga Onkel Arne og månen. Diktsamlinga Begynnelsen er nær (2024) er den siste boka hennar. 

Temakveldane er arrangement der akademiet gjev det allmenne publikum høve til å møte gjestelærarane våre i ei intim ramme, og der det òg vil bli mogleg for publikum å stille spørsmål til og samtale med forfattaren. Temakvelden finn stad i Skrivekunstakademiet sine lokale på Georgernes Verft 12. Inngang E.

Torsdag 24.10.24 kl. 19:00
Gratis inngang. Sal av øl og vin. Ope for alle!

Vel møtt!