Skrivekunstakademiet har to ulike kurs: Årsstudiet og påbyggingskurset.
Årsstudiet hadde søknadsfrist 1. april 2025, og tek inn 12 studentar. Søkjarar får svar på søknaden innan utgangen av mai.
Påbyggingkurset har søknadsfrist 2. mai 2025, og tek inn 6 studentar.
PÅBYGGINGSKURS 25/26
Søknadsfrist til påbyggingskurset er 2. mai 2025. Du finn søknadsskjema under. Les nøye gjennom informasjon om kurset og opptakskriterium før du søkjer.
Påbyggingskurset er samlingsbasert og samlingane vert halde i Skrivekunstakademiet sine lokalet på USF Verftet i Bergen. Det er ei forutsetning for å delta på kurset at ein kan møte fysisk til samlingane.
Kurset består av fem fysiske samlingar: Ei opningsveke på fem dagar, og fire samlingar som går over tre dagar. Ei individuell rettleiing som vert gjennomført digitalt kjem i tillegg til dette.
Kurset er leia av forfattarane Gunnar Wærness og Gunnhild Øyehaug. Arbeidsforma er i hovudsak tekstsamtale: Studentane les kvarandre sine arbeid, og er aktive i plenumsdiskusjonar og samtalar. I undervisninga blir det fokusert på litterære metodar og formtradisjonar, og den teoretiske diskusjonen spring ut av moglegheiter og utfordringar knytt til kvart enkelt manuskript. Spørsmål ein kan arbeide med er til dømes: Kva er dramaturgi, kva er ein forteljar, kva er ei poetisk frase, korleis kan ein komponere eit større, litterært arbeid, korleis møte utfordringar i arbeidet, kva spring dei ut ifrå?
Skrivekunstakademiet tek opp seks studentar til påbyggingskurset. Sjølve kurset er gratis, men kvar deltakar betaler ei kopiavgift på 1350 kroner.
Påbyggingskurset er eit kurs og ikkje eit studium, noko som betyr at det ikkje er mogleg å søkje støtte frå Lånekassen.
Søknadskriterium
Kurset er meint for den som arbeider med eit påbyrja litterært manuskript og vil fordjupe seg ytterlegare i praksisen sin.
Det er eit krav at søkjaren har gjennomført minst eitt år kreativ skriveutdanning på universitets- eller høgskulenivå (60 studiepoeng).
Utgjevingar/publikasjon av litterære verk kan kompensere for utdanning, men det er her eit krav at slike utgjevingar då er utkomne på eit forlag som yt redaksjonelle tenester før publikasjon.
Opptaksgrunnlag
Søknad om opptak skal innehalde 10-15 sider tekst, skrive i løpet av dei to siste åra, av skjønnlitterær karakter. Teksten bør vere i tråd med den retninga studenten ønsker å arbeide i løpet av året. I tillegg til den skjønnlitterære teksten, skal ein legge ved utfylt søknadsskjema med opplysingar om:
- Personlege data (obligatorisk)
- Tidlegare utdanning (obligatorisk)
- Motivasjon for studiet (obligatorisk)
- Lese- og skriveerfaring, deltaking i lese- og skrivegrupper, redaksjonsarbeid, deltaking i antologiar eller andre publikasjonar, litteraturpedagogisk arbeid eller annan arbeidserfaring frå tidsskrift, forlag o.l. Legg gjerne ved referansar.
Språk
Søkjarar som skriv på norsk, svensk og dansk blir vurderte på lik linje. Søknadar på andre språk blir ikkje vurderte.
Opptaksnemnd og vurdering
I nemnda for opptak sit hovudlærarane. I vurderinga til opptaket blir det lagt vekt på søkjarens evne til å framstille eit innhald/stoff i ei skjønnlitterær form.
Har du fleire spørsmål om Påbyggingskurset eller søknadsprosessen? Send oss gjerne ein e-post på post@skrivekunst.no.