Skrivekunstakademiet er ein høgskule som driv undervisning innan skjønnlitterær skriving. Vi har landets mest etterspurde utdanningstilbod på dette feltet, og mange av våre studentar har debutert som forfattarar.

Vi gjev undervisning i dei ulike skjønnlitterære sjangrane. Det er i hovudsak forfattarar som underviser, for tida fire faste lærarar i tillegg til ei rekkje gjestelærarar. Undervisninga legg vekt på det praktiske skrivearbeidet, og særleg på den einskilde student sine eigne tekstar.

Akademiet ligg i Kulturhuset USF (Verftet) på Nordnes, eit bygg som huser mange kulturverksemder og kunstnarar innan ulike fagområde. I tillegg finn ein kafé, filmklubb, konsertlokale, visningsrom og teatersal i bygget.

Skrivekunstakademiet blei skipa i 1985, av forfattaren Rolf Sagen og Hordaland fylkeskommune (No: Vestland), som finansierer institusjonen. I styret sit representantar frå fylkeskommunen, Universitetet i Bergen og Den norske Forfatterforening. Skrivekunstakademiet er ei stifting som har til føremål å gje undervisning i skrivekunst og elles arbeide for å styrkje norsk skriftkultur. Årsstudiet er gratis, og er godkjend som høgare utdanning av NOKUT. Fullført utdanning gjev 60 studiepoeng. Ein kan søkje lån og stipend i Statens Lånekasse for utdanning.

Styret

For valperioden 2024–2027 er følgjande medlemmer og varamedlemmer vald til styret for stiftinga Skrivekunstakademiet, i tillegg til Tormod Haugland som tilsettrepresentant og Johanne Hansteen Valen som studentrepresentant for undervisningsåret 2024–25:

1. Børge Lunde, Styreleiar
2. Malin Vangsnes-Weaver
3. Peter Hatlebakk
4. Sandra Lillebø  (Den norske Forfatterforening)
5. Christine Hamm (Universitetet i Bergen)

Varamedlemer

1. Hilde Horpen
1. Monika Yndestad
1. Hege Lothe
1. Brynjulf Jung Tjønn  (Den norske Forfatterforening)
1. Anne Beate Maurseth (Universitetet i Bergen)